'ஒரு ஜெருசலேம்' சிறுகதை தொகுப்பு - ஆய்வு பேட்டி


நேர்காணல் செய்தவர்: பா.ஜான்சி வீரஓவு

நாள்‌: 24.04.2017


1. உங்களுக்கு சிறுகதை எழுதும்‌ ஆர்வம்‌ எப்படி வந்தது?

பள்ளி நூலகத்தில்‌ சிறுகதை, நாவல்‌, நாடகம்‌ முழுவதையும்‌ வாசித்த முதல்‌ மாணவன்‌. கல்லூரி வாழ்வில்‌ கவிதைகள்‌ தொடர்பான வாசிப்பும்‌ சமூக உணர்வுகளும்தான்‌ சிறுகதை எழுதுவதற்கானத்‌ தூண்டுதல்‌.


2. சிறுகதை எழுதுவதற்குக்‌ காரணமாக அமைந்தது எது?

நேர்மை, நியாயம்‌, மனதில்‌ போட்டு கொமைதல்‌ இதுவே மூலக்காரணமாக அமைந்தது.


3. உங்கள்‌ படைப்பின்‌ முதல்‌ வாசகர்‌?

நான்தான்‌.


4. உங்களதுப்‌ பணியினைத்‌ தங்களது படைப்பு பாதித்தது உண்டா?

இல்லை. புரட்சிக்கரமான கருத்துகளுக்கு மடங்கி போகும்போது சூரியதீபன்‌ எனும்‌ புனைப்பெயர்‌ பயன்படுத்த வேண்டியதாயிற்று.


5. உங்கள்‌ கதைக்களம்‌ எதைச்‌ சார்ந்தது?

கிராமம்‌, கிராமம்‌ சார்ந்த வாழ்க்கை, நகரம்‌, நகரம்‌ சார்ந்த வாழ்க்கை, அலுவலக வாழ்க்கையில்‌ எதிர்கொண்ட பிரச்சினைகளே கதைக்களமாக அமைந்தது.


6. உங்கள்‌ கல்லூரி வாழ்க்கை இனிமை மிகுந்ததா?

வறுமை மிகுந்தது.


7. படைப்பாளியின்‌ தனித்தன்மை எப்படிப்பட்டதாக இருக்க வேண்டும்‌?

சமகாலத்திற்கு ஏற்றாற்போல்‌ கருத்துகளை உருவாக்கியும்‌ கொள்கையோடும்‌ இலக்கியப்‌ போக்குகளை அவதானித்து இருக்க வேண்டும்‌.


8. உங்களின்‌ முதல்‌ படைப்பு வெளியிட்ட இதழ்‌ பற்றி...

முதல்‌ படைப்பு குற்றம்‌. வெளியிட்ட இதழ்‌ தாமரை (1971).


9. தங்களது சிறுகதை கவித்துவம்‌ மிகுந்ததாக உள்ளதே...

மொழியாக்கம்‌ செய்யப்பட்ட உலக நாவல்கள்‌, சிறுகதைகள்‌, மலையாள நாவல்கள்‌, வங்காள நாவல்கள்‌, உருதுக்கவிதைகள்‌ இவற்றோடு என்‌ தனிப்பட்ட சிந்தனைகளுமே காரணம்‌.


10. சிறுகதையில்‌ பெரும்பாலும்‌ பெண்களின்‌ துயரங்கள்‌ பற்றிப்‌ பேசப்படுகிறதே...

வங்காள நாவலாசிரியர்‌ சரத்‌ சந்திரர்‌ எழுதிய பெண்ணின்‌ அவலநிலை என்னும்‌ நாவலும், சமுதாயத்தில்‌ நிலவும்‌ யதார்த்தமான பெண்களின்‌ துயரங்களுமே காரணம்.


11. 'ஒரு ஜெருசலேம்‌' தொகுதியில்‌ உள்ள கதைகள்‌ கற்பனைக்‌ கதைகளா? நிஜ கதைகளா?

யதார்த்தங்களும்‌ புனைவுகளும்‌ இணைந்தது.


12. தற்போது எதைப்‌ பற்‌றி எழுதிக்கொண்டிருக்கிறீ்கள்‌?

'பள்ளிக்கூடம்‌' என்னும்‌ முதல்‌ நாவலும்‌, காக்கைச்‌ சிறகினிலே என்னும்‌ மாத இதழில்‌ வெளிவரும்‌ 'புத்தர்‌ ஏன்‌ நிர்வாணமாய்‌ ஓடினார்‌?' என்னும்‌ சிறுகதையும்‌.


13. மனிதநேயம்‌ பற்றி தங்கள்‌ கருத்து...

சமுதாயத்தின்‌ துயரத்தைக்‌ களைந்து ஓட்டுமொத்த குழுவிற்கு ஆதரவு தருவது.


14. தங்கள்‌ சிறுகதைக்கு கிடைத்த விருது பற்றி...

1975-இல்‌ கணையாழியில்‌ வெளிவந்த 'அக்கினி நட்சத்திரம்‌' என்ற சிறுகதைக்கு இலக்கியச்‌ சிந்தனை விருதும்‌, சிறந்த சிறுகதைக்கான விருதும்‌ கிடைத்தது.

கருத்துகள்

கருத்துரையிடுக

பிரபலமான பதிவுகள்

காலங்களினூடாக ஏழும்‌ குரல்‌

படம்
சிலரின்‌ அறிவுத்துறைச்‌ சாதனைகளைக்‌ காட்டிலும்‌, மனிதச்‌ சாதனைகள்‌ சமுதாயக்‌ கணக்கில்‌ பெரிதாக வரவு வைக்கப்படும்‌. கன்னட எழுத்தாளர்‌ சிவராம கரந்த 'யட்ச கானா' என்ற நாட்டார்‌ கலையை அதன்‌ வேரோடும்‌ வேர்‌ மணத்தோடும்‌ மீட்டுருவாக்கம்‌ செய்தார்‌. 'யட்ச கானா' கூத்துக்‌ கலையை தேடிய பயணத்தில்‌, அவர்‌ மக்களைக்‌ கண்டடைந்தார்‌. எதிர்பாராத பாறை வெடிப்பிலிருந்து, கைகளால்‌ அடைக்க முடியாத வேகத்தில்‌ ஊற்று பீறியடித்தது. அந்த மனித நேய ஊற்றில்‌ நனைந்த உணர்வுகளால்‌, கருத்துக்களால்‌ இலக்கிய நதியின்‌ கரைகளுக்கு அப்பாலுள்ளதாக கருதப்பட்ட சுற்றுச்‌ சூழல்‌ பாதுகபாப்பாளராக ஆனார்‌ பின்னாளில்‌. அருந்ததிராய்‌: புக்கர்‌ பரிசு, அவர்‌ இலக்கியத்திற்கு ஒரு தகுதியை மட்டும்‌ தந்தது. நர்மதை அணைக்கட்டின்‌ நிர்மானிப்பை எதிர்த்த மக்கள்‌ போராட்டம்‌, அவருக்கு எல்லாத்‌ தகுதிகளையும்‌ தந்தது. வங்க நாவலாசிரியர்‌ மகாசுவேதா தேவியின்‌ 1984ன்‌ அம்மா நாவல்‌ “கல்கத்தாவின்‌ ஒரு முனையிலிருந்து மறுமனைக்கு இருபது வயது இளைஞன்‌ செல்ல முடியாது. சென்று விட்டு உயிரோடு திரும்ப முடியாது: மேற்கு வங்கத்தில்‌ பதினான்கு வயதிலிருந்து இரு...
Read more »

பா.செயப்பிரகாசம் பொங்கல் வாழ்த்துரை - நியூஸிலாந்து ரேடியோ

படம்
நியூஸிலாந்து சங்கநாதம் தமிழ் ரேடியோ - 18 ஜனவரி 2013 பொங்கல் வாழ்த்து உரை மற்றும் தமிழ் மொழி, தமிழர் கலாச்சாரம்,  பொங்கல் கொண்டாட்டத்தின் பின்னணி பற்றி எழுத்தாளர் பா.செயப்பிரகாசம். வணக்கம். முதலில் நியூஸிலாந்து வாழ் தமிழர்களுக்கு எனது பொங்கல் வாழ்த்துக்கள். குறிப்பாய் தமிழ் கலை இலக்கிய வட்டத்தின் சங்கநாதம் வானொலி மூலமாக நாளை நடக்கவிருக்கும் பொங்கல் நிகழ்வுக்கு எனது வாழ்த்துக்கள். தமிழகத்தில் வாழும் ஒரு எழுத்தாளன் நான். எழுத்தாளன் என்பவன் முந்திய காலத்து ஞானிகள் போல சமூகத்தின் மனசாட்சியாக இயங்க வேண்டும் என்று கென்ய எழுத்தாளர் கூகி வா தியாங்கோ கூறுவார். தமிழ் சமூகத்தின் மனசாட்சியாய், தமிழகத்தின் மனச்சாட்சியாய் நான் உங்களுடன் இந்த பொங்கல் விழாவினை பகிர்ந்து கொள்ள விழைக்கிறேன். எந்த நாளில், எந்த சூழலில் நீங்கள் இந்த பொங்கல் திருநாளை எடுக்கிறீர்கள் என்பது மிக முக்கியமானது. நாம் ஒன்றும் இல்லை நமக்கென்று ஒன்றுமில்லை. ஏதிலிகளாய் உலக வீதிக்கு நடத்தப்பட்டுள்ளோம் நாம் என்றொரு நிலை இன்று இருக்கிறது. நமக்கென்று ஒரு காலம் இருந்தது. அது ஒரு காலம். அதுதான் பொங்கல் திருநாள், உழவர் திருநாள், அறு...
Read more »

நாம் எதிர்கொள்ளும் பண்பாட்டுச் சவால்கள்

படம்
(தமிழ்நாடு முற்போக்கு எழுத்தாளர் சங்கம் சைதை கிளைப் பேரவையில் `நாம் எதிர்கொள்ளும் பண்பாட்டு சவால்கள்' என்ற தலைப்பில் தோழர் சூரியதீபன் ஆற்றிய உரையின் சுருக்கம். எழுத்துருவம்: சூரியசந்திரன்) தென்மாவட்டத்தில் சங்கரன்கோயில் என்றொரு சிறுநகரம். அந்த நகரத்துக்கு நான் சென்றிருந்தபோது பொங்கல் நேரம். வீதிகளெல்லாம் சிமெண்ட் சாலை போடப்பட்டிருந்தன. எல்லா வாசல்களிலும் இரவு முழுவதும் கண்விழித்து கோலங்கள் இட்டிருந்தார்கள். அதிகாலை நான்கு மணிக்கே எழுந்து நானும் எனது நண்பரும் கோலங்களைப் பார்ப்பதற்காகச் சென்று கொண்டிருந்தோம். அந்தக் கோலங்கள் ஒவ்வொன்றையும் தாண்டிச் செல்கிறபோது என்னுடைய கால்கள் சடக்கென ஒடிந்து விழுவதைப்போல ஒரு கோலத்தின் மீது நின்றது. காரணம் அந்தக் கோலத்தில் Happy pongal என்கிற வாசகம் இருந்தது. காலையிலே, அவர்கள் வீட்டு முற்றத்திலே பொங்கலிட்டு முடிந்த பிறகு ஒன்பது மணியளவில் ஒலிபெருக்கியிலிருந்து “இப்போது நாம் பொங்கலிடுவதற்காக பிள்ளையார் கோயில் முன் கூடுவோம்” என்றொரு அறிவிப்பு வருகிறது. அதாவது, இன்னொரு பொங்கலுக்குத் தயாராகும்படியான அறிவிப்பு அது. இந்த இரண்டு சம்பவங்களிலும் இரண்டு பண்பாட்ட...
Read more »

மலேயா கணபதி

படம்
முதுபெரும்‌ பொதுவுடமைக்‌ கட்சித்‌ தோழர்‌ கே.டி.கே.தங்கமணி மலேசியாவில்‌ பல்வேறு பிரச்சாரக்‌ கூட்டங்களை முடித்துக்‌ கொண்டு, இந்தியாவுக்குக்‌ கப்பல்‌ ஏறுகிறார்‌. கப்பல்‌ ஏறுகிற நேரத்தில்‌ அவர்‌ முன்னே ஆயுதம்‌ தாங்கிய தோழர்கள்‌ செவ்வணக்கம்‌ செலுத்தி விடை தருகின்றனர்‌. செவ்வணக்கத்தை ஏற்றுக்‌ கெண்டு “நீங்கள்‌ யார்‌” எனக்‌ கேட்கிறார்‌ கே.டி.கே. அதற்கு அவர்கள்‌ பதில்‌ “தங்கள்‌ பாதுகாப்புப்‌ பணிக்காக, மலேயா கம்யூனிஸ்டு கட்சி நியமித்த கொரில்லாக்கள்‌". ஒரு தோழரின்‌ உயிர்‌, உடல்‌ அகில உலகத்துக்கு மட்டுமல்ல, நான்கு கோடித்‌ தமிழர்களுக்கும்‌ பத்திரமாக திருப்பி ஒப்படைக்கிற, இந்த பாதுகாப்புக்‌ கவசத்தின்‌ சூத்ரதாரி கணபதி. தீண்டாமை என்பது ஓட்டுவார்‌ ஒட்டி நோய்‌. காசம்‌ (சயரோகம்‌), சொறி, சிரங்கு, படை போன்ற நோய்களுக்கு இந்தக்‌ குணம்‌ உண்டு. தமிழ்‌நாட்டிலிருந்து மலேயா, சிங்கப்புர்‌, ரங்கூன்‌ சென்ற தமிழர்கள்‌, தங்களுடன்‌ இந்த தீண்டாமை நோயையும்‌ இடுக்கி கொண்டு சென்றார்கள்‌. தமிழகத்‌ தேநீர்க்‌ கடைகளில்‌ தனித்‌ தம்ளர்கள்‌ என்றால்‌ மலேயாவில்‌ தனித்‌ தகர டப்பாக்கள்‌. தாழ்த்தப்பட்ட மக்களின்‌ கண்ணீரின்‌ உப்பு,...
Read more »

இலக்கியவாதி - எந்த அடையாளங்களுடன்‌?

தேர்‌தல்‌ முடிந்துவிட்டது, அனைத்தையும்‌ தீர்மானிக்கிற அரசியலை மக்கள்‌ தீர்மானித்து முடித்து விட்டார்கள்‌. பணம்‌, சாதி, பகட்டு என்ற பொங்குமாங்‌ கடல்கள்‌ பெருக்கெடுக்க, மக்கள்‌ மூழ்கி எடுத்து வந்தது முத்துக்களா, சிப்பியா என்பதை ஜனநாயகம்‌ நிரூபணம்‌ செய்யும்‌.  மழை பெய்து ஓடை, வாய்க்கால்‌, ஆறுகளில்‌ மண்டியும்‌ ககிழியுமாய் வரும்‌ புதுவெள்ளப்‌ பெருக்கின்‌ அழுக்கைச்‌ சாப்பிட மீன்கள்‌ எதிர்த்தேறிச்‌ சாடிவரும்‌. சாடி கூட்டம்‌ கூட்டமாய்‌ வலையில்‌ அகப்படுவது போல, அழுக்கைச்‌ சாப்பிட்டு அரசியலைத்‌ தூய்மைப்படுத்தி விட்டார்களா மக்கள்‌? காலம்‌ சொல்லும்‌. நடத்து முடிந்த தேர்தலில்‌ சாதி அணிவகுப்பு விசுவரூபம்‌ எடுத்திருந்தது. ஒரு தொகுதியில்‌ எந்தச்‌ சாதி அதிகம்‌ இருக்கிறதோ, அந்த சாதி வேட்பாளரை நிறுத்துவது என்பதுடன்‌ கூடுதலாக, சாதிக்‌ கட்சிகள்‌ என்ற வெளிப்படையான அடையாளங்களுடன்‌ அரசியல்‌ கட்சிகள்‌ ஒளிவு மறைவின்றி வாக்கு வேட்டை நடத்தின. தேர்தலில்‌ அந்தந்தச்‌ சமூகத்தினைச்‌ சேர்ந்தவர்கள்‌ கூட்டாக வாக்களித்துள்ளனர்‌. சமூகம்‌ என்ற வார்த்தை சாதியைக்‌ குறிப்பதாகக்‌ குறுகிவிட்டது. கழுதை தேய்ந்து கட்டெறும்பான க...
Read more »