உச்சி வெயில் - நாவல் வெளியீட்டு நிகழ்வு






வர்க்க அரசியலை கலை நயத்தோடு பதிவு செய்துள்ளார் பா.செயப்பிரகாசம்
சென்னை, செப். 24 - வர்க்க அரசியலை கலை நயத்தோடு பா.செயப்பிரகாசம்  பதிவு செய்துள்ளார் என்று எழுத்தாளர் ச.தமிழ்ச்செல்வன் கூறினார். மறைந்த எழுத்தாளர் பா.செயப்பிரகாசம் எழுதி, பாரதி புத்தகாலயம் பதிப்பித்துள்ள ‘உச்சி வெயில்’ நாவல் வெளியீடு மற்றும் மனித உரிமைப் போராளி வழக்கறிஞர் பி.வி.பக்தவச்சலத்தின் 16ஆம் ஆண்டு நினைவு கருத்தரங்கம் சனிக்கிழமையன்று (செப்.23) சென்னையில் நடைபெற்றது. இந்த நிகழ்வை பி.வி.பக்தவச்சலம்  அறக்கட்டளையும், தமிழ்நாடு முற்போக்கு எழுத்தாளர் கலைஞர்கள் சங்கத்தின் சென்னை மாவட்டக்குழுக்களும் இணைந்து  நடத்தின. நாவலை எழுத்தாளர் ச.தமிழ்ச் செல்வன் வெளியிட, எழுத்தாளர் க.பஞ்சாங்கம் பெற்றுக் கொண்டார். அப்போது பேசிய ச.தமிழ்ச்செல்வன், “தமிழ் நவீன இலக்கியத்தின் நுட்பமான படைப்பாளி பா.செயப்பிரகாசம். சிறுகதைகளில் உச்சத்தை தொட்டவர். தடம் புரளாத வாழ்க்கையை வாழ்ந்தவர்”  என்றார். “இந்த நாவல், தற்போதுள்ள  கல்வி முறை குறித்து கேள்வி எழுப்புகிறது; விமர்சிக்கிறது. கிராமங்களில், கல்வி நிலையங்களில் சாதிவெறி எப்படி  ஆட்சி செய்கிறது என்பதை வர்க்க அரசியலோடு பேசுகிறது. கிராமப்புற உழைப்பாளி மக்களுக்கும் கல்வி முறைக்கும் தொடர்பு இல்லாமல் இருப்பதை நுட்பமாக பதிவு செய்கிறது. வர்க்க அரசியலை கலை நயத்தோடு செயப்பிரகாசம் பதிவு செய்துள்ளார்” என்றார். இந்நிகழ்விற்கு தமுஎகச துணைத் தலைவர் மயிலை பாலு தலைமை தாங்கினார். பத்திரிகையாளர் ஆர்.மணி, பி.வி.பக்தவச்சலம் அறக்கட்டளை நிர்வாகி கள் டாக்டர் பி.வி.வெங்கட்ராமன், வழக்கறிஞர் அஜிதா, தமுஎகச மாவட்டச்  செயலாளர்கள் க.மலர்விழி (தென் சென்னை), மணிநாத் (வடசென்னை) உள்ளிட்டோர் கலந்து கொண்டனர்.
- தீக்கதிர்


Late progressive writer Seyaprakasam’s novel 'Uchi Veyil' released
Seyaprakasam breathed his last after scripting “Uchi Veyil” and before proofreading it.

THOOTHUKUDI: Tamil Nadu Progressive Writers and Artistes Association posthumously released a novel “Uchi Veyil” written by popular writer P Seyaprakasam who died a year ago. Seyaprakasam was born on June 2, 1942, at Ramachandrapuram near Vilathikulam in Thoothukudi, and died on October 23, 2022. His body was donated to Thoothukudi Medical College Hospital.

Seyaprakasam breathed his last after scripting “Uchi Veyil” and before proof reading it. Marking his first death anniversary and the 16th anniversary of human and civil rights defender PV Bakthavachalam, the writers forum released “Uchi Veyil” novel in a function organised by PVP Trust and Tamil Nadu Progressive Writers and Artistes Association (TNPWAA), held at Chennai on September 23. TNPWAA honourary president writer Tamil Selvan released the first copy.

Seyaprakasam, who embraced the principles of Communism while not being affiliated to any party, has written around 150 short stories, 18 books consisting of collections of his articles and essays, and three novels. The comrade turned his focus to writing novels at the age of 75 years. 

Seyaprakasam began his career as a professor at Madurai Wakf Board College in 1968, became a Public Relations Officer of the government publicity and information department in 1971, and retired as the joint director from the same department. Notable for his Tamil dialect and views, Seyaprakasam was jailed at the Palayamkottai Central Prison for his participation in anti-Hindi agitation.

- The New Indian Express, 28th September 2023

கருத்துகள்

கருத்துரையிடுக

பிரபலமான பதிவுகள்

ஜெயந்தன் - நினைக்கப்படும்

படம்
மதுரை வடக்கு மாசி வீதியில் பேரா.துளசிராமசாமியின் ‘அரூசா’ அச்சகத்தின் படியில் அவர் நின்று கொண்டிருந்தார். நிஜ நாடக இயக்கம் பேரா.மு.ராமசாமியின் ‘விழிகள்’ மாத இதழும் அச்சாகியதால் மு.ரா.வும் இருந்தார். மதுரையில் கோயில்களுக்கும் சாமி வலங்களுக்கும் குறைவில்லை. முன் மாலையை லேசாய் அசைத்துத் தள்ளியபடி இரவு பின்னால் மெதுவாக வந்தது. அது குளிர்காலமில்லை. கோடைகாலம். மதுரைக் கோடையில் இரவு அப்படித்தான் ஆடி அசைந்து வரும். ‘பெட்ரோமாக்ஸ்’ – விளக்கு வெளிச்சத்தில் வடக்கு மாசி வீதியில், கிழக்கிலிருந்து மேற்காக ‘அம்மன்’ சப்பரத்தில் வந்து கொண்டிருந்தாள். ஒவ்வொருவரது கைகளும் கன்னங்களும் இதற்காகவே இருப்பது போல் கூப்புவதும் கன்னத்தில் போடுவதுமாய் இருந்தார்கள். “எவ்வளவு பெரிய தேர். எத்தனை பெரிய கூட்டம். இவ்வளவு பெரிய தேரில் அம்மன் உரு மட்டும் கண்ணுக்குத் தெரியலே. இந்த மனுசப்பயல்களைப் பார்த்து பயந்து ஒரு மூலையில் ஒடுங்கி உக்காந்திட்டா போல” - அவர் பேசினார். கூட்டத்திலிருந்து அவர் பேச்சு விலகியதாய்க் காணப்பட்டது. எதுவொன்றையும் பொதுப்புத்திப் பார்வையிலல்லாமல் புதிய கோணமாய் வெளிப்படுத்தும் திறன் கொண்டி...
Read more »

படைப்பாளியும் படைப்பும்

படம்
பா.செயப்பிரகாசம் அவர்களின் கதைகளை மதிப்பிட்டு எழுதும் வாய்ப்பு இருபதாண்டுகளுக்கு முன்பு (2000'ல்) எனக்குக் கிடைத்தது. பல முக்கியமான எழுத்தாளர்களின் படைப்புலகங்கள் குறித்துக் கலைஞன் பதிப்பகம் ஒரு வரிசையை ஏற்பாடு செய்திருந்தது. அதன்படி நான் பா.செ படைப்புலகம் எழுதினேன் - களந்தை பீர் முகம்மது. கரிசல் காட்டுக்காரரான பா.செயப்பிரகாசம் தனது முதல் கதையை எழுத, மதுரை மண்ணே கை நீட்டி அழைத்துள்ளது. பள்ளிப் படிப்பில் மனதில் ஆழமாய்த் தைத்த சம்பவம் ஒன்றின் மூலம் ‘குற்றம்’ என்ற முதல் கதை 1971-ல் வெளியானது. ‘தாமரை’ தான் முதல் கதையின் மேடை. அன்று துவங்கிய இலக்கியப் பயணம் இடையிலே சிறிது தடைப்பட்டு நின்று, மீண்டும் பழைய பிரவாகமாகவே பெருகிவிட்டது. தாமரை, மனஓசை இதழ்களில் இவரின் அதிகமான கதைகள் வெளியாகி, பரபரப்பையும் விவாதங்களையும் உண்டாக்கியுள்ளன. பாமரர்களின் சார்பான (தொய்வுறாத) படைப்பாளியான பா.செயப்பிரகாசமோ தமிழ்நாடு அரசின் செய்தித் துறையில் மிகமிக உயர்ந்த பதவி வரை முன்னேறிச் சென்று தன் தகுதிகளை, ஆளுமையை நிருபித்துக் கொண்டவர். ஆனால் இலக்கிய உலகில் இவர் அறியப்பட்டதெல்லாம் நாளது வரை ஒரு படைப்பாளியாகத்...
Read more »

இலக்கியவாதி - எந்த அடையாளங்களுடன்‌?

தேர்‌தல்‌ முடிந்துவிட்டது, அனைத்தையும்‌ தீர்மானிக்கிற அரசியலை மக்கள்‌ தீர்மானித்து முடித்து விட்டார்கள்‌. பணம்‌, சாதி, பகட்டு என்ற பொங்குமாங்‌ கடல்கள்‌ பெருக்கெடுக்க, மக்கள்‌ மூழ்கி எடுத்து வந்தது முத்துக்களா, சிப்பியா என்பதை ஜனநாயகம்‌ நிரூபணம்‌ செய்யும்‌.  மழை பெய்து ஓடை, வாய்க்கால்‌, ஆறுகளில்‌ மண்டியும்‌ ககிழியுமாய் வரும்‌ புதுவெள்ளப்‌ பெருக்கின்‌ அழுக்கைச்‌ சாப்பிட மீன்கள்‌ எதிர்த்தேறிச்‌ சாடிவரும்‌. சாடி கூட்டம்‌ கூட்டமாய்‌ வலையில்‌ அகப்படுவது போல, அழுக்கைச்‌ சாப்பிட்டு அரசியலைத்‌ தூய்மைப்படுத்தி விட்டார்களா மக்கள்‌? காலம்‌ சொல்லும்‌. நடத்து முடிந்த தேர்தலில்‌ சாதி அணிவகுப்பு விசுவரூபம்‌ எடுத்திருந்தது. ஒரு தொகுதியில்‌ எந்தச்‌ சாதி அதிகம்‌ இருக்கிறதோ, அந்த சாதி வேட்பாளரை நிறுத்துவது என்பதுடன்‌ கூடுதலாக, சாதிக்‌ கட்சிகள்‌ என்ற வெளிப்படையான அடையாளங்களுடன்‌ அரசியல்‌ கட்சிகள்‌ ஒளிவு மறைவின்றி வாக்கு வேட்டை நடத்தின. தேர்தலில்‌ அந்தந்தச்‌ சமூகத்தினைச்‌ சேர்ந்தவர்கள்‌ கூட்டாக வாக்களித்துள்ளனர்‌. சமூகம்‌ என்ற வார்த்தை சாதியைக்‌ குறிப்பதாகக்‌ குறுகிவிட்டது. கழுதை தேய்ந்து கட்டெறும்பான க...
Read more »

ஒரு இந்திய மரணம்‌ - சில படிப்பினைகள்

படம்
ஓரிரு ஆண்டுகளுக்குள்‌ முன்னும்‌ பின்னுமாய்‌ பல கொடிய நிகழ்வுகள்‌ அரங்கேறிவிட்டன. 'ராகிங்‌' கொடுமைக்குத் தப்ப முடியாமல்‌ போன அண்ணாமலைப்‌ பல்கலைக்‌கழக மாணவர் நாவரசு. பருந்துகளின்‌ கொடூர நகங்களுக்குப்‌ பிடிபடாமல்‌ தப்பியோடிய கோழிக்குஞ்சு போல்‌ மாணவி சரிகா. கணவன்‌ கைப்பிடித்தும்‌ கருக்கப்பட்ட மலர் பாண்டிச்சேரி பார்வதி ஷா. வாழ்க்கை - இவர்களுக்கு முடிந்து விட்டது - மீள முடியாத இவர்களின்‌ வாழ்வு முடிவை மரணம்‌ என்று சொல்வதை விட 'வன்கொலை' என்று சொல்வதே பொருத்தம்‌. பார்வதி ஷாவின்‌ கொலை பாண்டிச்சேரியை மட்டுமல்ல; மாணவர்கள்‌ நாவரசு, சரிகா கொலை போலவே தமிழ்கூறும்‌ நல்லுலகை உலுக்கி எடுத்திருக்கிறது. பார்வதி ஷா கொலை அம்பலப்படுத்துதலில்‌, ஊடகங்கள்‌, மக்கள்‌ உரிமை அமைப்புகள்‌, சமூக இயக்கங்கள்‌ முழு ஈடுபாட்டுடன் பணியாற்றியிருக்கின்றன. பி.யூ.சி.எல்‌ உறுப்பினர்கள்‌ மற்றும்‌ சமூக அக்கறை கொண்டவர்கள்‌ சாலை மறியலைத்‌ தொடங்குகிறார்கள்‌. பொதுமக்களின்‌ விழிப்புணர்வும்‌ சமூக அக்கறையும்‌ ஏதோ ஒரு புள்ளியில்‌ சமூக நடவடிக்கையாக மாறக்‌ காத்திருக்கின்றன. அது தொடங்கி வைக்கப்படுகிறது. குற்றவாளியான கமல்‌ ஷா ...
Read more »

பா.செயப்பிரகாசம் பொங்கல் வாழ்த்துரை - நியூஸிலாந்து ரேடியோ

படம்
நியூஸிலாந்து சங்கநாதம் தமிழ் ரேடியோ - 18 ஜனவரி 2013 பொங்கல் வாழ்த்து உரை மற்றும் தமிழ் மொழி, தமிழர் கலாச்சாரம்,  பொங்கல் கொண்டாட்டத்தின் பின்னணி பற்றி எழுத்தாளர் பா.செயப்பிரகாசம். வணக்கம். முதலில் நியூஸிலாந்து வாழ் தமிழர்களுக்கு எனது பொங்கல் வாழ்த்துக்கள். குறிப்பாய் தமிழ் கலை இலக்கிய வட்டத்தின் சங்கநாதம் வானொலி மூலமாக நாளை நடக்கவிருக்கும் பொங்கல் நிகழ்வுக்கு எனது வாழ்த்துக்கள். தமிழகத்தில் வாழும் ஒரு எழுத்தாளன் நான். எழுத்தாளன் என்பவன் முந்திய காலத்து ஞானிகள் போல சமூகத்தின் மனசாட்சியாக இயங்க வேண்டும் என்று கென்ய எழுத்தாளர் கூகி வா தியாங்கோ கூறுவார். தமிழ் சமூகத்தின் மனசாட்சியாய், தமிழகத்தின் மனச்சாட்சியாய் நான் உங்களுடன் இந்த பொங்கல் விழாவினை பகிர்ந்து கொள்ள விழைக்கிறேன். எந்த நாளில், எந்த சூழலில் நீங்கள் இந்த பொங்கல் திருநாளை எடுக்கிறீர்கள் என்பது மிக முக்கியமானது. நாம் ஒன்றும் இல்லை நமக்கென்று ஒன்றுமில்லை. ஏதிலிகளாய் உலக வீதிக்கு நடத்தப்பட்டுள்ளோம் நாம் என்றொரு நிலை இன்று இருக்கிறது. நமக்கென்று ஒரு காலம் இருந்தது. அது ஒரு காலம். அதுதான் பொங்கல் திருநாள், உழவர் திருநாள், அறு...
Read more »